Индиянын өкмөтү 40 адамдын өмүрүн алып кеткен кол салууну “коркоктордун террордук чабуулу” катары сыпаттап, бул окуя Индиянын Ооганстан алдындагы милдеттенмелерин аткарууга тоскоол болбой турганын билдирди. Пакистандын тышкы иштер министри Шах Мехмуд Куреши дагы расмий Исламабад террорчулуктун бардык түрүн айыптаарын айтты. Ушул өңдүү билдирүүнү расмий Вашингтон жана Европа комиссиясы дагы таратты.
