Президенттин жумушчу сапары Каракол шаарындагы Ысык-Көл областтык ички иштер башкармалыгынын жаңы курулган “Динамо” спорт комплексинен башталды. Мамлекет башчы спорттук комплекстин административдик имаратындагы калыстардын, спорт инструкторунун, спорттук буюмдар туруучу жана өз алдынча салынган эркектер менен аялдар бөлмөлөрүн, ошондой эле медициналык бөлмөнү, волейбол, баскетбол, мини футбол жана башка спорттук оюндар боюнча мелдештерди өткөрүүгө ылайыкталган чоң спорт залды карап чыкты. Бул курулуштун административдик жана спорт зал имараты толугу менен өз алдынча электр менен жылытуу системасына кошулган.(MSu)
