Ички иштер министрлиги тараткан маалыматка караганда, ал Чегара кызматынын №2011 аскер бөлүгүндө кызмат кылган прапорщик Жамалдин Гапиров. Ал 21-июль күнү Ички иштер министрлиги менен Ош облустук ички иштер башкармалыгынын жоокерлер менен биргелешип жүргүзгөн оперативдүү тергөө аракетинин негизинде кармалды. Тинтүү учурунда анын үйүнөн МАИнин атып өлтүрүлгөн кызматкери Мунарбек Сактановго тиешелүү тапанча, уюлдук телефон, чегара бөлүк имаратынын жанынан Каныбек Асрановго тиешелүү тапанча жана “Торнадо” деген дискоклубдун чатырынан наркологиялык диспансердин регистрациялык журналы табылды. (BD)
