Бүгүн президент Курманбек Бакиев өз админстрациянын бөлүм башчылары менен салтка айланган жумушчу кеңешме өткөрдү. Анда Кыргызстандын автожолдорундагы оңдоо жана жаңылап куруу иштеринин учурдагы абалына тиешелүү маселелер да талкууланды. Президент бул багытта республикага жакынкы күндөрдө автожол техникаларынын чоң партиясы келе турганын жана ал техникалар биздин өлкө үчүн натыйжалуу жана пайдалуу иштеши керектигин белгиледи. “Азыр Кыргызстандын бардык областарында автожолдорду оңдоо жана жаңылап куруу иштери жүрүп жатат. Бул максаттар үчүн мамлекет эки жылдан бери миллиарддан ашык сом каражат бөлүүдө. Акырындап, жалпы республика боюнча жолдор тиешелүү тартипке келиши керек”, – деп президент Курманбек Бакиев өзгөчө баса белгиледи, деп кабарлайт президенттин маалымат кызматы.(SM)
