«Жаңы Кыргызстан» партиясынын Оштогу штаб жетекчиси Манас Эргешов «Азаттыкка» маалымдашынча, президенттик администрация башчысы Медет Садыркуловдун жашырын көрсөтмөсүнөн улам 5-октябрдагы жергиликтүү кеңештерге шайлоого алардын мүчөлөрүнүн катышуусуна жергиликтүү бийликтер кысым көрсөтүп, ачык бут тосууда. Ошол себептүү саясий уюм маселени кечеңдетпей териштирүүнү талап кылып, Президент Бакиевге, губернатор Карашевге кайрылуу жолдоду. Ош облустук шайлоо комиссиясынын төрагасы Амат Маматоморов «Жаңы Кыргызстан» партиясынын дооматын четке кагып, талапкерлерди көрсөтүүгө жана каттоого чек коюлбагандыгын билдирди. (ATo)
