Аталган кыймыл көптөгөн фактыларга жана шайлоочулардын кайрылууларына таянуу менен 5-октябрдагы шайлоолордун жыйынтыктарын тааныбай турганын бүгүн тараткан билдирүүсүндө белгиледи. Билдирүүдө «Акыйкат үчүн» кыймылы жана Коомдук парламент жергиликтүү кеңештердин депутаттарын шайлоо мыйзамды одоно бузуулар жана добуш берүү жыйынтыктарын жасалмалоо менен өттү деп эсептээри, бул шайлоо азыркы бийликтин элге жана демократияга каршы жүзүн ачык көрсөтүп койгону айтылат. Ошондой эле кыймыл БШК курамы алмаштырылып, бул башкы шайлоо органы президенттин жеке бийлигинен сырткары чыгарылышын, анын курамына оппозициялык партиялар менен кыймылдардын өкүлдөрүнүн кошулушун жана шайлоо системасынын терең реформаланышын талап кылган.(AzK)
