Коомдук саламаттык сактоону реформалоо жана санэпидкызматтын аткарган иштерине байланыштуу өтүп жаткан жаңы көз карандысыз мамлекеттердин Бишкекте бүгүн башталган саясий баарлашуусунда жугуштуу оорулар, экологиялык факторлордун ден-соолукка тийгизген терс жактары, өзгөчө кырдаалдар, дем алуу органдарынын оорусу, сыныктар сыяктуу маселелер талкууланууда. Ошондой эле калк арасында медико-санитардык кызмат кылуунун максат менен багыттары, саламаттык сактоо жаатындагы көйгөйлөр боюнча мониторинг, ден-соолукту чыңдоодо жана ооруларга профилактика жүргүзүүдө мамлекеттер аралык биргелешип аракет кылуу маселеси да козголот. Бул тууралуу Саламаттык сактоо министрлигинин басма сөз кызматынан билдиришти. (AJ)
