2009-жылы Кыргызстандын маданий күндөрүн Италияда жана Белорусияда да өткөрүү пландалууда. Мындай маалыматты бүгүн маданият жана маалымат министри Султан Раев билдирди. Анын айтымында, министрликтин бюджети эки жылдын ичинде 10 эсеге көбөйүп, беш жүз миллион сомдон ашкан. Министрдин айтымында, ушул жылдын декабрь айында парламент “Маданият жөнүндө” мыйзам долбоорун карайт. Анын мурдагы редакциясы 1992-жылда кабыл алынган болчу. Ал эми “Театрлар жөнүндө” мыйзам долбоору учурда Жогорку Кеңештин тиешелүү комитетинин кароосунда. “Кабыл алынган бир топ мыйзамдардын негизинде маданиятты өнүктүрүүнүн туруктуу системасын түзүүгө жетиштик”,-дейт С.Раев. (КЕ)
