Президент Курманбек Бакиев “Менчикке укукту жана анын кол тийбестигин коргоону күчөтүү жөнүндө” жардыкка бүгүн кол койду. Президенттин басма сөз кызматы тараткан маалыматка караганда, жардыккка ылайык жеке жана юридикалык тараптардын менчигин алардын түрлөрүнө карабастан коргоо жана камсыздоо мамлекеттик саясаттын маанилүү багыты болот. Жардыктын негизинде өкмөт бир айдын ичинде коргоону күчөтүүнүн механизмдерин иштеп чыгат. Ошондой эле жардыкта менчикти коргоону күчөтүү чараларын көрүү башкы прокуратурага, Жогорку Сотко жана Сот акыйкаттыгы боюнча Улуттук Кеңешке жана Судьялар Кеңешине да тапшырылган. (BuS)
