Мурдагы БШКнын мүчөсү Акылбек Сариев “Азаттыктын” суроосуна жооп берип жатып, Кыргызстандын шайлоо системасы азыркы тапта тескерисинче начарлап кеткенин, ага былтыркы парламенттик шайлоо жана жакында эле өткөн жергиликтүү кеңешке болгон шайлоолор ачык көрсөткөнүн, бирок аны жакшыртууга аракеттер көрүлбөй жатканын билдирди. Ошондой эле ал, начар шайлоо системасы турган чакта туруктуу партия калыптанышы кыйын экендигин, андай болушка шарттар да жоктугун, эртең бийлик алмашса эле башкаруучу партия ыдырап кетиши мүмкүн экендигин айтты. (IJz)
