Бүгүн Израилдин согуш учактары Газадагы ХАМАС жетектеген мамлекеттик имараттарга сокку урушту. Алардын арасында палестин парламентинин имараты да бар деп кабарланууда. Өткөн ишембиден берки чабуулдардан Палестинада 400 адам набыт болду, эки миңдей адам жаракат алды дешет палестиндик догдурлар. Израилде болсо ХАМАСтын ракеталарынан төрт адам мерт болгону айтылган. Улуттар уюму Газадагы атышууларды токтотууга чакырган экинчи чукул жыйынын өткөрдү.
