Район борборунда чогулган 15 киши БЭКтин максат талаптарын колдоорун билдиришти. Алар БЭКтин өкүлдөрү Азимбек Бекназаров, Исмаил Исаков Жана Анвар Артыков менен жолугушту. Мындай маалымат азыр БЭКтин райондогу өкүлдөрү Иманалиев Тынычбек менен Салабат Алиевден алынды. Алардын билдиришинче чогулгандар бийликтин бүгүнкү социалдык-экономикалык жна саясий иштерине нааразылыктарын айтышты. Токтогул суу сактагычына 4 дарыядан суу куюлуп жатса да, көлмөгө суу топтолбой жатат деген шылтоо менен электр жарыгын улам өчүрүп жаткандыгына, көп адамдардын жумушсуздугуна нааразы экендиктерин айтышты.
