Баткенде “Самаркандек” чек ара бекетинин аймагынан 2-май күнү баасы 1 миллион сомго жакын 38 миң тоннадай күйүүчү май ташып келаткан кыргызстандык үч жаран кармалды. Колго түшкөндөр мыйзамсыз ташып бараткан жүгү менен кошо тартип коргоо органдарына өткөрүлүп берилди. Улуттук коопсуздук боюнча мамлекеттик кызматтын чек ара аскерлигинин маалымат катчысы Салкын Абдыкариева жыл башынан бери Баткендин чек ара бекеттеринин аймагынан ушуну менен төртүнчү ирээт 25 миң тоннадан жогору ири өлчөмдө май ташып бараткандар тутулганын “Азаттыкка” билдирди. (EBM)
