ЖКнын СДП фракциясынын лидери Бакыт Бешимов Конституциялык соттон баш мыйзамдагы 45-беренесин түшүндүрүп берүүсүн өтүндү. Ал боюнча парламентарий “Президент Курманбек Бакиев шайлоо алдынан саясий партиядагы жана уюмдардагы өзүнүн ишин токтото туурусу керекпи?” деп чечмелеп берүү үчүн расмий кайрылуу жасады.
Бул тууралуу Б. Бешимов “Азаттыкка” 10-июнда маалымат берип жатып, “Бакиевдин бийликчил партиядагы ишмердүүлүгү шайлоо өнөктүгүндө кыйла теңсиздикти жаратууда. Азыр коомчулук эки катмарга, “Ак жолчуларга” жана “Ак жолчу эместерге” бөлүнүп калды” деп белгиледи. (SA)
