Миграция жана калкты иш менен камсыздоо комитетинин төрайымы Айгүл Рыскулованын билдиришинче өлкөдө 600 чакты качкын бар жана алардын коопсуздугу коргоого алынган. “Акыркы жылдары өлкөдө качкындар саны кескин төмөндөдү. Кыргызстанда алгачкы жолу качкындар Тажикстандагы жарандык согуштан кийин пайда болгон. Өлкөгө ошол убакта жыйырма миңдеп качкындар кирип келген” деп тактоо киргизет А.Рыскулова. Бүгүн 18-июнь эл аралык качкындар күнүнө карата Бишкекте уюштурулган иш-чара маалында БУУнун Качкындар башкармалыгынын өкүлү Кыргызстан кабыл алган качкындар саны кескин төмөндөп кеткенин сынга алды. (EK)
