Муну утурлай шаарда миңдеген полицейлер жайгаштырылды. “Лос-Анжелес Таймс” гезитинин кабарлаганына караганда, полиция атактуу ырчы менен коштошуу жөрөлгөсү алдында көргөн чаралар масштабы жагынан шаардын тарыхындагы буга чейинки окуялардын баарын, анын ичинде 1984-жылкы Олимпиаданы да басып өттү. Үстү жабык ири стадиондо өтүүчү коштошуу жөрөлгөсүнө айтылуу ырчынын талантына ашык болгон 20 миңдей адамдын катышуусу белгиленген. Бирок полициянын болжолунда, жыйналгандар саны 250 миңге чейин жетиши мүмкүн.
