Эртең БЭК жана анын тарапкерлери Балыкчыга жүрүш жасашат. СДП штабынын алдында чогулган элди таратып жатып президенттикке талапкер Алмаз Атамбаев ушинтип билдирди. Бүгүн Бишкекте жана республиканын Талас, Нарын, Чүй өңдүү айрым аймактарында оппозиция талапкерлери “таза шайлоону” талап кылып, көчөгө чыгышты. СДПнын баш кеңсесинде кечке жакын миңге жакын киши чогулгандыгы кабарланды. Бишкектин тегерегиндеги айылдардан Бишкекке жөө жүрүшкө чыккандардан жүздөн ашыгын милиция кармап, административдик айыптарды тагууда. Оппозиция кечээ 29-июлдан баштап мөөнөтсүз акцияларды баштаарын жарыялаган. (BuS)
