Баш катчы Пан Ги Мун мына ушундай билдирүү жасаар алдында кечээ Исламабадда Улуттар уюмуна караштуу кеңседе жанкечти жасаган жардыруудан бери дегенде беш адам набыт кетткен эле. Алардын баары БУУнун азык –түлүк агенттигинин кызматкерлери. Жарылуудан соң Улуттар уюму Пакистандагы кеңселерин жапты. Премьер- министри Юсуф Реза Гилани, анын кеңсесинин билдиргенине караганда, жардырууну кесин түрдө айыптады жана иликтөө жүргүзүүнү буюруду. Кыянат үчүн жоопкерчиликти азырынча эч ким өзүнө ала элек. БУУнун азык –түлүк агенттиги Пакистандын жакыр тургундарына, анын ичинде армия өлкөнүн түндүк –батышында талиб согушкерлерине каршы өткөргөн операциядан улам жер которууга мажбур болгондорго тамак –аш таратып келген.
