Мындай маалыматты өз ысымдарын айтуудан баш тарткан мамлекеттик бир нече кызматкер бүгүн «Азаттыкка» билдиришти. Маселен, 16-ноябрда облустук акимчиликтин иш убактысы түнкү саат 23кө чейин созулган. Бүгүн болсо аппараттык жыйын өткөрүлүп, анда облуска инвестиция тартуу, ар кандай сырткы каражаттарды алып келүү үчүн күчөтүлгөн шартта иштөө тапшырмасы тагылды. Ошондой эле жаңы жылдан тарта штаттык бирдиктер кайрадан каралары кулак кагыш кылынды. Губернатор Тынчтыкбек Чекиевдин алгачкы иш сапары бүгүн Ак-Талаа районуна жасалгандыгы белгилүү болду. (KUs).
