Бул тууралуу Иранда мамлекеттик маселелер боюнча акыркы сөздү айтуучу адам – жогорку лидер аятолла Али Хаменеи билдирди. Аятолланын көз карашында, былтыр июнда өткөн президенттик шайлоонун жыйынтыгын кабыл албоо менен оппозиция ишенимди жана саясатка аралашуу укугун жоготту. Али Хаменеинин мамлекеттик теледен айтылган сөздөрүнө караганда, шайлоодон кийинки баш –алмандыктар белгилүү бир адамдар көпчүлүктүн эркин жээрүүнү көздөгөнүнөн улам болгон. Динаятчылар тобунун алдында сүйлөгөн сөзүндө аятолла ошондой эле Ислам республикасынын башкаруу структурасын кабыл алгандар системанын бир бөлүгү катары карала берерин кошумчалаган.
