Аларды жергиликтүү бийликтер “Ал-Каида” террористтик уюмунун жогорку даражадагы адамдары деп аташты. Йемендин аскер күчтөрү кабарлашканына караганда, жикчилер жекшембидеги рейд учурунда өлтүрүлдү. Өлкөнүн аба аскер күчтөрү түштүктөгү Абиян провинциясында “террорчул элементтерге” каршы чабуул өткөрүшкөн эле. Былтыр декабрда АКШга жол алган учакта йемендик жанкечти кармалгандан бери, бул өлкөдө “Ал-Каиданын” бөлүктөрүнө каршы чабуулдар күчөгөн.
