Айылдын жүз элүүдөй тургуну жөө жүрүшкө чыгышты. Аларды милиция кызматкерлери коштоп баратат. Ал эми айылдын четиндеги көпүрөнүн жанында Оштон алып келинген 3 автобус милиция кызматкерлери турат. Бул тууралуу Сопу-Коргондон кабарчыбыз билдирди. Анын айтымында, Ош губернаторунун орун басары Айтмамат Кадырбаев Сопу-Коргондо эл менен жолугушуп, жөө жүрүштү токтотууну өтүнүп, Исмаил Исаковдун жакын туугандарын жана Алайлык аксакалдарды губернатор кабыл аларын билдирип, губернатор аларды президент менен жолугуштурарын, президент алардын маселесин чечип берерин айткан. Сопу-Коргондуктар анын сунушуна макул болушпай жөө жүрүштү башташты. (AJ)
