Ванкувер Олимпиадасынын уюштуруучулары грузиялык спортсмен Нодар Кумариташвилинин үй-бүлөсүнө акча төлөп бермей болду. Уюштуруу комитетинин маалымат өкүлү Рене Смит-Валаддын айтымында, каражат менчик камсыздоо программасынын эсебинен берилмекчи. Бирок маркумдун жакындары канча акча алаары айтылган жок. 21 жаштагы Кумариташвили 12-февралда Олимпиада ачылаардын алдында машыгып жаткан жеринен санка трассасынан учуп кетип, каза болгон.
