Республикалык ортопедия жана травматология борборуна тополоңдо жабыр тарткан 147 адам кайрылган. Алардын жүз он алтысы ооруканага жаткырылды. Бул тууралуу “Азаттыкка” борбордун жетекчиси Сабырбек Жумабеков билдирди. Анын айтымында, 81 адамга операция жасалган, алардын жыйырмасы оор абалда реанимацияда жатат. Борборго түшкөн жабыркагандардын көбү башына ок жегендер. С.Жумабековдун ырасташынча, операция учурда жабыркагандардан автоматтын коргошун октору алынган жана желим октор табылган эмес. (AiJu)
