Бельгия парламентинин төмөнкү палатасы коомдук жайларда мусулман аялдардын паранжачан жүрүүсүнө тыюу салган мыйзамды кабыл алды. Ага ылайык, көчөлөрдө, коомдук парктарда, спорттук аянттарда, ошондой эле “элди тейлөөчү же кызмат көрсөтчү имараттарда” аялдардын паранжачан жүрүүсүнө тыюу салынат. Мыйзамды бузгандар 25 еврого( 33 доллар) айып төлөшөт же жети күнгө чейин абакка кесилет. Сенат бекитсе эле бул мыйзам күчүнө кирет.
Мызам кабыл алынса, Бельгия коомдук жайларда паранжачан жүрүүгө тыйуу салаган биринчи өлкө болот. Ушундай эле мыйзам Францияда да талкууланууда.
