Акыркы жылдары бул маселе жогорку деңгээлде айтылып, миллиондогон жаш балдар эмгек кылууга пайдаланылып, мажбурланып жаткандыгы белгиленүүдө. Эл аралык эмгек уюмунун маалыматтарына ылайык, учурда жер шарында 215 миллион бала эмгек кылып, алар дыйканчылыктан тартып жумушу оор жана кооптуу деп саналган кендерде да иштешет. Кыргызстанда да балдар эмгегин пайдалануу артыкча күч алганы айтылып келет. Чет элдик адистердин изилдөөсү боюнча, Кыргызстанда 20 миңден ашык бала иштейт. Бирок бул көрсөткүч иш жүзүндө 70 миңге жетээрин серепчилер белгилешүүдө. (КЕ)
