“Азаттыктын” аймактагы кабарчысынын айтымында, акыйкатчы Турсунбек Акун, “Кылым шамы” укук коргоо борборунун төрайымы Азиза Абдырасулова, “Жарандар коррупцияга каршы” укук коргоо борборунун төрайымы Төлөйкан Исмаилова коргоо министринин милдетин аткаруучу, Убактылуу өкмөттүн түштүк боюнча өкүлү Исмаил Исаков менен жолугушуп жатат. Мындан кийин алар Ош облусунун жана шаардагы өзбек улутундагы адамдар жашаган районго элчи катары барып, тараптарды элдештирүү үчүн сүйлөшүүлөрдү жүргүзөт. (КЕ)
