Атап айтканда, тараптар атомдук станциялар үчүн жаңы реакторлорду жасоо жагынан биргелешкен долбоорлорду жүзөгө ашырышат. Тийиштүү келишимдерге бүгүн Делиде кол коюлду, кол коюу аземине орус президенти Дмитрий Медведев менен индус өкмөтүнүн башчысы Манмохан Сингх катышты. Эки лидер экономикалык кызматташтыктан тышкары коопсуздук, терроризмге каршы күрөшүү маселелерин талкуулашты. Тараптар өз ара соода-сатыктын көлөмүн 2015-жылы 20 миллиард долларга жеткирүүнү көздөп жатышат.
