ИИМде кадрдык өзгөрүүлөр болду

Премьер-министр Алмазбек Атамбаевдин буйругу менен ички иштер министринин орун басары, ИИМдин Укук жана криминалдык анализ боюнча башкы башкармалыгын жетектеп келген Николай Солдашенко ээлеген кызматынан бошотулуп, анын ордуна Жеңиш Жакыпов дайындалды.

Мындан сырткары Ички иштер министрлигинин орун басарлары кызматын аркалап келген Расулберди Раимбердиев жана Жакыпбек Азизов да кызматтарынан бошотулду. (KKs)