Мырзаке - Кара-Кулжа - Алайкуу жолуна кар көчкү түштү

Чукул кырдаалдар министрлигинин басма сөз кызматынын жетекчи адиси Абдушарип Бекиловдун “Азаттыкка” билдиришинче, 3-февралда Ош облусундагы Мырзаке - Кара-Кулжа - Алайкуу жолунун 75-километрине кар түшүп, бул жол жабык турат. Кар көчкүнүн узуну 50 метр, туурасы 7 метр, бийиктиги 4 метрге чейин жетет. Жабыр тарткандар болгон жок. Ушул тапта тазалоо иштери жүрүп жатат. (KKs)