Дүйшөмбү күнү (14-февралда) Ооганстанда бомбага кабылып, британиялык эки аскер катардан чыкты. Дагы бир жоокер Гелманддагы аскерий базада чыккан өрттө набыт болгонун Британиянын коргоо министрлиги тастыктады. Муну менен Ооган операциясы 2001-жылы октябрда башталгандан бери Британия жоготкон аскерлердин саны 357ге жетти. Алардын 313ү бомба чабуулунан же душмандык аракеттерден курман болгон.
