Кабыл провинциясынын губернатору Забиулла Мужадади Ооган жетекчилигинин саясатына келише албай кызматтан кетти. Мужададинин айтышынча, президент Хамид Карзай провинциянын жетекчилерин аны менен макулдашпай туруп алмаштырган жана берген убадасында турган эмес. Ал ошондой эле борбордук өкмөттү провинцияга жетерлик каражат бөлбөдү деп күнөөлөдү. Мужадади губернаторлук орунда марттын аягына чейин калат деп болжолдонууда. Карзайдын кеңсеси бул окуя боюнча түшүндүрмө бере элек.
