Кыргызстандагы дипломатиялык миссиясы аяктап жаткандыгына байланыштуу АКШнын Кыргызстандагы өзгөчө жана ыйгарым укуктуу элчиси Татиана Гфэллер премьер-министр Алмазбек Атамбаев менен жолугушту. Элчи өкмөттүн аракеттери колдоо жаратып жаткандыгын белгилеп, коомдо демократиялык реформаларды ишке ашырууда ийгилик каалады. Премьер-министр элчиге АКШнын коргонуу министринин кеңешчилик кызматында ийгиликтерди каалады. Бул тууралуу өкмөттүн басма сөз кызматынан маалымдашты. (KKs)
