Линктер

бейшемби, 21-сентябрь, 2017 Бишкек убактысы 15:03

АКШ президенти Израил өкмөт башчысы менен жолугат


Бүгүн Вашингтондо АКШ президенти Барак Обама Израил өкмөт башчысы Бенямин Нетаняху менен жолугушат.

Жолугушуу президент Обама Жакынкы Чыгыш менен Түндүк Африкадагы кырдаалга байланыштуу билдирүү жасагандан кийин өткөнү турат. Обама өз сөзүндө Иордандын Батыш жээгиндеги 1967-жылкы согушка чейинки чек аранын негизинде Жакынкы Чыгыштагы жагдайды калыбына келтирүүнү АКШ жактаарын билдирген.

Нетаняху Обаманын сөзүн дароо четке кагып, бул Израилдин калкын коркунучка кирептер кылып, бир топ Израил айылдарынын четте калышын шарттайт деп билдирди. Палестин президенти Махмуд Аббас өз кезегинде былтыр токтоп калган сүйлөшүүлөрдү жандандырууга Обаманын аракетин колдоду. Палестин-Израил жанжалын жөнгө салуу аракетин Евробиримдик да жактырды.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG