Израилдин өкмөт башчысы Бенямин Нетаняху Вашингтондо АКШ президенти Барак Обама менен жолугушту. Израилдик расмий адамдардын баамында, премьер сүйлөшүүлөрдөн оптимисттик маанайда кайтты. Алдыңкы күнү Обама Жакынкы Чыгыш менен араб өлкөлөрүндөгү кырдаал боюнча сөз сүйлөп, 1967-жылкы чек аралардын негизинде Палестин мамлекетин түзүү идеясын колдогон. "Бирок тараптар ыктыярдуу түрдө жер тилкелерин айырбаштоосу керек", - деген Обама.
