Президент Барак Обама бүгүн Вашингтондо Ангела Меркелге АКШнын жогорку сыйлыгы – "Эркиндик" президенттик медалын тапшырат. Ак үйдөгү кабыл алуу учурунда Меркелдин урматына 19 ирет салют атылмакчы. Мындан сырткары эки өлкө лидерлеринин сүйлөшүүлөрү жана салтанаттуу сый тамак да белгиленген. Америкалык расмий өкүлдөрдүн айтымында, немис канцлери мындай көңүл бурууга эки тараптуу алакаларды өнүктүрүүгө кошкон салымы үчүн арзыды.
