Эгер баш кеңсеси Гаагада жайгашкан сот Муаммар Каддафини камоого буйрук чыгарса, ал согуш кылмыштары үчүн шектелген, эл аралык издөө салынган адамга айланат жана Ливиядан сыртка чыкса камакка алынат. Сот бүгүнкү отурумунда Муаммар Каддафи менен катар анын уулу Сейф ал-Исламды жана чалгын кызматынын башчысы Абдулла ал-Сеннусини да камоого буйрук чыгаруу маселесин карары күтүлүүдө. Эл аралык соттун прокурору Луис Моррено Окампонун кечээги сөздөрүнө караганда, Каддафи камалмайынча Ливияда согуш кылмыштары токтобойт.
