Египеттин өкмөтү билдиргендей, Каирдин борбордук бөлүгүндөгү кагылыштардан 600гө чукул киши жарадар болду. Мурдагы атка минерлерди тез арада сот жообуна тартууну талап кылган демонстранттарга полиция көздөн жаш агызуучу газ колдонду. Кагылыштар кечээ түнү башталган эле. Президент Хосни Мубарактын бийлиги феврал айындагы толкундоолордо кыйраган. Бүгүн жарадар болгондордун 500дөн ашыгы ооруканада дарыланып жаткандыгы кабарланууда. Жараат алгандардын арасында 40 чакты коопсуздук кызматкери да бар.
