Куйручуктун 145 жылдык мааракеси жыйынтыкталды

Куйручук атка конгон ойчул, куудул Кудайберген Өмүрзак уулунун 145 жылдыгына арналган иш-чаралар кечээ жыйынтыкталды.

Соң-Көл өрөөнүндө өткөн бул мааракенин алкагында "Манасчы", "Акын", "Боз үй", "Айтыш" сынактары уюштурулуп, улуттук оюндар боюнча мелдештер өткөрүлдү.

Бул сынактардын жыйынтыгында байгеге коюлган 10 автоунаага өз ээлерин тапты. Иш-чарага катышкан президент Роза Отунбаева кунан чабышта алдыга озуп келген чабандеске баш байгени – автомашинанын ачкычын тапшырды. (KKs)