Жапониянын премьери кызматынан кетээрин жар салды

Наото Кан өлкөнүн премьер-министрлик кызматынан кетээрин жана башкаруучу демократиялык партиянын лидерлигин да тапшыраарын айтты.

Башкаруучу партиянын жаңы лидерин шайлоо дүйшөмбүдө өтөт, шайланган киши өлкөнүн премьер-министри болуп калат.

Наото Кан ушул жылдын 11-мартындагы жер силкинүүсү учурунда ыкчам аракеттерди жасабады, өзөктүк электростанциядагы зыяндарды четтетүүдө, каатчылык маалында экономикалык саясатта мажирөө болду деп сынга кабылып келген эле.