ВР компаниясынын Москвадагы кеңсесин тинтишти

Британиянын ВР компаниясы Москвадагы кеңсесин тинтүүнү Россиядагы бизнесине кысым катары баалайт. Бул тууралуу ВРинин Москвадагы жетекчиси Жэреми Хук билдирди.
Сот өкүлдөрү Тюмен облусунун арбитраждык соту милдеттендирген кагаздарды издешүүдө. Сот май айында россиялык Роснефть компаниясы менен ВР ортосундагы келшимдин үзгүлтүккө учурашына байланыштуу ишти карап жатат. Алдынкы күнү Роснефть Арктикадагы мунай кендерин иштетүү жөнүндө америкалык Эксон Мобил менен макулдашууга кол койгон.