Сириянын расмий САНА агенттиги Араб Лигасынын жетекчиси Набил ал-Арабиге шилтеме берип, Дамаскиде президент Башар ал-Асад менен жолугушууда ал Сирияга сырттан куралдуу кийлигишүүгө караманча каршымын деп айтканын жазды. Ал-Араби Сирияга Асаддын режимин демонстранттарга курал колдонуусун токтотууга көндүрүү далалатында барды. Бириккен Улуттардын эсебинде, март айынан берки толкундоолордо өкмөттүк аскерлер колдуу болуп 2 миңден ашык, негизинен карапайым тургундар каза тапты.
