Эл аралык валюта фонду Беларус өкмөтү экономикалык реформаларды ишке ашырууга дилгирлигин көрсөткөндө гана кредит берет. Фонддун Минскидеги миссиясынын жетекичиси Крис Жарвис анын тобу октябрда Беларуска кайтып келип, сүйлөшүүлөр улантылаарын билдирди. Анын айтымында, тараптар өлкөнү кризистен чыгаруу үчүн зарыл болгон реформалардын бир топ багыттары боюнча бир пикирге келе элек. Александр Лукашенконун өкмөтү валюта фондунан 8 миллиард доллар сураган. Ал тапта бүгүн Беларустун улуттук валютасынын курсу эркин койо берилди.
