Кыйноолорго каршы коалициянын маалыматы боюнча, 2009-жылдын августунан 2010-жылдын августуна чейинки аралыкта Кыргызстанда 186 кыйноо фактысы катталган. Алардын 93 пайызы убактылуу кармоо абактарына болгон. Кыйноолорго дуушар болгондордун арасынан ону аялдар жана алтоо жашы жете электер экени айтылды. Мамлекет башчысы Роза Отунбаева Кыргызстанда камактагыларды кыйноо фактылары көбөйүп жатканын, өзгөчө былтыркы июнь окуяларын иликтөө учурунда мындай мыйзам бузууларга жол көп берилип жатканын айтып, андайга баргандарды жазалоону катуулатыш керектигин айтып келет. (RK)
