Бүгүн Жогорку Кеңештин Эл аралык иштер жана парламенттер аралык кызматташтык боюнча комитети Кыргызстандын чет өлкөлөрдөгү бир катар элчилеринин отчетторун угаары күтүлүүдө. Парламенттин басма сөз кызматы билдиргендей, жыйынга Орусия, Украина, Белорусия жана коңшу өлкөлөрдөгү Кыргызстандын элчилери катышмакчы. Буга чейин Кыргызстандын элчи жана консулдуктары боюнча коомчулукта сын-пикирлер айтылып, элчиликтердеги орой мамилеге кабылгандар “Азаттыкка” да кайрылышкан болчу. (KKs)
