Бишкектин четиндеги ири "Дордой" соода комплексине кирген "Дордой" базарындагы соода-сатыктын көлөмү соңку бир жарым жыл ичинде дээрлик 60 пайызга төмөндөп кетти. Бул тууралуу "Азаттыкка" базардын башкаруучусу Аманбай Кайыпов кабарлады. Кайыповдун айтымында, буга былтыркы 7-апрель окуясынан кийин өлкөдө түзүлгөн саясый жана коомдук абал, чек аралардын жабылышы себеп болду. "Дордой" комплексинде жалпы эсеп менен алганда 100 миңге жакын адам иштейт. Орусияга жана Казакстанга товар ташыгандардын баары ошол жерден дүнүнөн соода кылып кетишет. (MTo/RK)
