Боршайкомдо бүгүн шайлоо бюллетенине талапкерлердин тизмесин түшүрүү үчүн чучукулак кармашты. "Азаттыктын" кабарчысынын маалымдашынча, биринчи болуп талапкер Түлеевдин фамилиясы чыкты. Бирок ал өз талапкерлигинен баш тартканын бүгүн түшкө маал жарыялаган болчу. БШКга андан бул тууралуу арыз келип түшө электиги айтылган. Түлеевден башка талапкерлердин саны - 22 адам. Шайлоо 30-октябрда болот. (RK)
