Бул тууралуу соттук процессти чагылдырып жаткан кабарчыбыз Заирбек Бактыбаев билдирди. Анын айтымында, сотто акыйкатчы Турсунбек Акун күбө катары көрсөтмө берип жаткан. Акунга Улуттук коопсуздук боюнча мамлекеттик комитеттин мурунку башчысы Мурат Суталинов да суроо узатаарда жабырлануучулар ага жаалданып кыйкырып, колдорундагы буюм-тайымдар менен чапканга аракет кылышты. Мындан улам сотто шашылыш түрдө кыска мөөнөткө тыныгуу жарыяланып, коопсуздук чаралары күчөтүлдү. (EBM)
