Өкмөт башчы Өмүрбек Бабановдун буйругу менен Эмил Алиев Мамлекеттик каттоо кызматынын төрагасы болуп дайындалды. Бул тууралуу өкмөттүн басма сөз кызматынан кабарлашты. Буга чейин бул мекемени Жаныбек Бакчиев убактылуу жетектеп, декабрдын аягында кызматын тапшырган. Жаңы дайындалган Эмил Алиев “Ар-намыс” партиясынын саясий кеңешинин мүчөсү болуп саналат. Ички иштер министрлиги коррупция деңгээли боюнча Кыргызстанда каттоо кызматы билим берүү тармагынан кийин экинчи орунда турарын жарыялаган. (KKs)
