Кыргызстандын аскердик байланыш адистери ушул күндөрү Словакияда өтүп жаткан конференцияга катышууда. Иш-чара быйыл Германияда өтүүчү «СОMBINED ENDEAVOR» эл аралык машыгууга даярдык көрүү үчүн уюштурулган. Бул тууралуу Коргоо министрлигинен кабарлашты. Кыргызстандык адистер өлкөнүн коргоо системасындагы жаңы байланыш жолдору, видео жана конференц-байланышы, жаңы технология мүмкүнчүлүктөрү боюнча маалымат алып, тажрыйба алмашышат. (RK)
